დანიშნულება:
საღებავი შპალერისა და კედლებისთვის.

საფუძვლის ტიპი:

• შპალერი შესაღებად
• ახალი და ადრე წყალდისპერსიული საღებავებით შეღებილი თაბაშირ-მუყაო
• გალესილი, დაშპატლული ზედაპირები
• ბეტონი
• აგური
• MDF, DSP, DVP
• აკრილის და სილიკატურ-სილიკონიანი დეკორატიული ბათქაშები

დატანის მეთოდი:

• ფუნჯი
• ლილვაკი
• საფრქვეველი

ხარჯი:
7-12 მ²/ლ

ბზინვარების ხარისხი:
მატოვი (7-10%)

კოლორირება:
საღებავი იწარმოება ორი ბაზის სახით: A (თეთრი) და C (გამჭვირვალე). შესაძლებელია მისი კოლორირება ხელით ან კომპიუტერული (მანქანური) მეთოდით RAL, NCS და სხვა ფერთა კატალოგების მიხედვით.

შემადგენლობა:
სტიროლ-აკრილის დისპერსია, ფუნქციური დანამატები, შემავსებლები, პიგმენტები, ბიოციდები.

ფერი:
ბაზა А — თეთრი; ბაზა С — გამჭვირვალე

ბზინვარების ხარისხი:
მატოვი (7-10%)

ხარჯი 1 ფენაზე სწორ არააბსორბირებად ზედაპირზე:
10-12 მ²/ლ*

ხარჯი 1 ფენაზე უსწორმასწორო აბსორბირებად ზედაპირზე:
7−9 მ²/ლ*

შრობის დრო:
1 საათი**

შემდეგი ფენის დატანა შესაძლებელია:
1,5 საათის შემდეგ**

მდგრადობა რეცხვის მიმართ:
მდგრადია რბილი სარეცხი საშუალებებით რეცხვის მიმართ.

მდგრადობა სველი ხეხვის მიმართ ГОСТ 32 300/ DIN EN 13 300:
მე-2 კლასი

საფუძვლის ტემპერატურა დატანისას:
+5 °С-დან 35 °С-მდე

ვარგისიანობის ვადა:
24 თვე

* მასალის ხარჯი დამოკიდებულია საფუძვლის მომზადების ხარისხზე, დატანის ხერხზე, გამოყენებულ ინსტრუმენტზე, სამუშაოს შემსრულებლების კვალიფიკაციაზე და შეიძლება განსხვავდებოდეს მითითებული მნიშვნელობებისგან.
** t (+20±2)°С და ჰაერის ფარდობითი ტენიანობის არაუმეტეს (65±5)% პირობებში. ტემპერატურის შემცირებისას ან ტენიანობის გაზრდისას შრობის დრო შეიძლება გაიზარდოს. ჰაერის +15°С-ზე დაბალი ტემპერატურის ან 65%-ზე მაღალი ფარდობითი ტენიანობის პირობებში, შემდეგი ფენა დაიტანეთ არაუადრეს 24 საათის შემდეგ.

ხავერდოვან-მატოვი საღებავი შიდა სამუშაოებისთვის.
განკუთვნილია შპალერისა და კედლების შესაღებად მშრალ და ტენიან შენობებში (გარდა სააბაზანო ოთახებისა) ზომიერი და მომატებული საექსპლუატაციო დატვირთვით.
რეკომენდებულია გამოსაყენებლად როგორც საყოფაცხოვრებო (დერეფნები, ჰოლები, საძინებლები, მისაღები ოთახები, საბავშვო ოთახები), ასევე კომერციული (ოფისები, სასტუმროები, რესტორნები, მაღაზიები, სამედიცინო და საგანმანათლებლო დაწესებულებები) დანიშნულების შენობებში.
გარდაქმნის ინტერიერს და კედლებს სძენს სიღრმესა და გამომსახველობას, ხაზს უსვამს შპალერის უნიკალურ ნახატს, ინარჩუნებს მასალის საწყის სტრუქტურას მრავალჯერადი გადაღებვის შემდეგაც კი.
ქმნის თანაბარ ხავერდოვან-მატოვ საფარს.
შრება სწრაფად.
მდგრადია დაბინძურების მიმართ, ადვილად ირეცხება.
კოლორირებადია.

გამოყენების სფერო
ყველა ტიპის შესაღები შპალერი (სტრუქტურული, ფაქტურული, ფლიზელინის, ვინილის, ტექსტურირებული, მინაშპალერი), ასევე ახალი და ადრე წყალ-დისპერსიული საღებავებით შეღებილი თაბაშირ-მუყაო; შელესილი, დაშპატლული, ბეტონის, აგურის ზედაპირები; მდფ, დსპ, დვპ; აკრილის და სილიკატურ-სილიკონიანი დეკორატიული ბათქაშები.
ხელით და მანქანური დატანისთვის.

დასაშვებია შემდეგი ტიპის შენობებსა და ნაგებობებში გამოყენება:
ტიპი А — საცხოვრებელი სახლები და საერთო საცხოვრებლები; ბავშვთა და ახალგაზრდობის აღზრდის, სწავლების, დასვენებისა და გაჯანსაღების ორგანიზაციების შენობები და სათავსები; ჯანდაცვის ორგანიზაციები; ინვალიდთა და მოხუცებულთა სახლები; სანატორიუმები; დასასვენებელი სახლები; დახურული სპორტული ნაგებობები; სამსახურებრივი სათავსები ადამიანების მუდმივი ყოფნით სამრეწველო საწარმოების მართვის შენობებში და სხვა Б, В ტიპის ობიექტებზე.
ტიპი Б — კვების მრეწველობის, ვაჭრობისა და საზოგადოებრივი კვების საწარმოები; სასტუმროები; სამრეწველო საქონლის მაღაზიები; კავშირგაბმულობის საწარმოები; საყოფაცხოვრებო მომსახურების საწარმოები; კულტურულ-სანახაობრივი და სხვა ობიექტები; მართვის შენობები.
ტიპი В — სამრეწველო საწარმოები, დამხმარე და საყოფაცხოვრებო სათავსები და ნაგებობები; საწყობები; გარაჟები.

საღებავი იწარმოება ორი ბაზის, A და C სახით და შესაძლებელია მისი კოლორირება კომპიუტერული (მანქანური) წესით RAL, NCS და სხვა ფერების კატალოგებში. ბაზა А განკუთვნილია ღია და პასტელურ ფერებში კოლორირებისთვის, ასევე შეიძლება გამოყენებულ იქნას როგორც თეთრი საღებავი, დასაშვებია საღებავის მასის 5%-მდე საკოლორაციო პასტების დამატება.
ბაზა C გამოიყენება მხოლოდ კოლორირებული სახით და განკუთვნილია გაჯერებულ ფერებში კოლორირებისთვის, დასაშვებია საღებავის მასის 10%-მდე საკოლორაციო პასტების დამატება. C ბაზაზე მკვეთრ ფერებში შეღებვისას, რეკომენდებულია წინასწარ დაიტანოთ მსგავს ფერში დაკოლორირებული A ბაზის საღებავის ფენა. შესაძლებელია ხელით კოლორირება წყლის ბაზაზე დამზადებული საკოლორაციო პასტების მეშვეობით.
კოლორირების შედეგზე პასუხისმგებლობა ეკისრება ორგანიზაციას, რომელიც ახორციელებს კოლორირებას.
დატანის პირობებიდან, ასევე შესაღები ზედაპირის ფაქტურიდან გამომდინარე, ფერების რეალური ტონები შეიძლება ოდნავ განსხვავდებოდეს ფერების კატალოგში წარმოდგენილისგან. გამოყენებამდე აუცილებელია საცდელი დატანის შესრულება და გამშრალი საფარის ფერთან შესაბამისობის შემოწმება.
ტონალობაში განსხვავების თავიდან ასაცილებლად, რეკომენდებულია ერთ ვიზუალურ სიბრტყეზე ერთი საწარმოო პარტიის პროდუქტის გამოყენება (პარტიის ნომერი მითითებულია თითოეულ შეფუთვაზე) ან სხვადასხვა პარტიის მასალების წინასწარ შერევა პროპორციით 1:1, დატანის ტექნოლოგია უნდა დარჩეს უცვლელი.

ზედაპირის მომზადება:
საფუძვლის მომზადება შეასრულეთ СП 71.13 330.2017-ის შესაბამისად.

• გაასუფთავეთ საფუძველი მტვრისა და ჭუჭყისგან. ადრე შეღებილი ზედაპირებიდან მოაცილეთ ძველი საღებავისა და ნათეთრის არამყარი ფენები.
• მყარი და მყარად მყოფი პრიალა ზედაპირები დაზუმფანგეთ გლუვ მდგომარეობამდე, მოაცილეთ ზუმფანგის მტვერი.
• უთანაბრობები, ღრმულები, ბზარები და ნატეხები უნდა გასწორდეს წყალ-დისპერსიული შპაკლით Bergauf UNI PASTA და დაიზუმფანგდეს.
• ზედაპირები, რომლებიც ადრე დაფარული იყო ცარცით ან კირის საღებავებით, საფუძვლიანად უნდა გაიწმინდოს სრულ მოცილებამდე. ინტენსიურად მშთანთქმელი ზედაპირები წინასწარ დაამუშავეთ ღრმა შეღწევადობის გრუნტით Bergauf Techno Primer საფარის საიმედოობის ასამაღლებლად და საღებავის ხარჯის შესამცირებლად.

მუშაობის წესი:
შესაღები ზედაპირი უნდა იყოს მშრალი და სუფთა, სამუშაოების შესასრულებლად საფუძვლის ტემპერატურა +5°C-დან, ოთახის ტემპერატურა საღებავის დატანისას +5°C-დან +35°C-მდე, ჰაერის ფარდობითი ტენიანობა 80%-ზე დაბალი.
რეკომენდებულია ერთი პარტიის გამოშვების საღებავის გამოყენება ფინიშური ფენის ელფერში განსხვავების გამოსარიცხად.
საფუძვლიანად აურიეთ საღებავი. მორევა აუცილებელია ფართო და ბრტყელი თამასით ან სამშენებლო მიქსერით დაბალ ბრუნებზე, ფრთხილად, ჰაერის ბუშტუკების წარმოქმნის თავიდან ასაცილებლად, 1−3 წუთის განმავლობაში. არ
არის რეკომენდებული მასალის მორევა დახურული ქილის შენჯღრევით. ტრანსპორტირების და/ან აქტიური მორევის შემდეგ ჰაერის ბუშტუკების წარმოქმნის შემთხვევაში, საღებავს სჭირდება დაყოვნება მათ გაქრობამდე.
დაიტანეთ საღებავი მომზადებულ მშრალ სუფთა ზედაპირზე ფუნჯით, ლილვაკით ან საღებავის შემასხურებლით. უხეში ზედაპირებისთვის, როგორიცაა ფაქტურული ბათქაში, აგური, ბეტონის ბლოკები, რელიეფური ჭერი, რეკომენდებულია ლილვაკების გამოყენება ხაოს სიგრძით 12−25 მმ.
ხორკლიანი ზედაპირებისთვის, როგორიცაა ფითხები, ბათქაში, ბეტონი, შესაღები შპალერი, მინამასალა, სამღებრო ფლიზელინი — 8−12 მმ ხაოს სიგრძით. გლუვი ზედაპირებისთვის, როგორიცაა თაბაშირ-მუყაო, მდფ (MDF), დსპ (DSP), არქიტექტურული დეკორის ელემენტები (თამასები, მოლდინგები, ჭერის კარნიზები) — 6 მმ-მდე ხაოს სიგრძით. საღებავი მზადაა გამოსაყენებლად, ფუნჯით ან ლილვაკით დატანისას საჭიროების შემთხვევაში შესაძლებელია წყლით განზავება არაუმეტეს 5%-ით. უჰაერო გაფრქვევისთვის დასაშვებია წყლით განზავება 5−10%-ით, საქშენი 0,013−0,015″, წნევა - 180−190 ბარი. გაფრქვევის კუთხე შეირჩევა შესაღები ზედაპირის ფართობისა და გეომეტრიული თავისებურებების გათვალისწინებით.
ჯეროვანი ფერისა და ზედაპირის გარეგნული იერსახის გასაუმჯობესებლად აუცილებელია საღებავის ორი ფენის დატანა.
სამუშაოების ჩატარებისას მოერიდეთ პირდაპირი მზის სხივების ზემოქმედებას და მაღალი ტენიანობის პირობებს.
სამუშაოების დასრულების შემდეგ ხელები და ინსტრუმენტები კარგად გარეცხეთ თბილი წყლით.

უსაფრთხოების ტექნიკა
სამუშაოები უნდა შესრულდეს ხელების, თვალებისა და სასუნთქი გზების ინდივიდუალური დაცვის საშუალებების გამოყენებით. გამოიყენეთ კარგად განიავებად შენობებში.

შეინახეთ და მოახდინეთ ტრანსპორტირება მჭიდროდ დახურულ ტარაში არანაკლებ +5° და არაუმეტეს +35°C ტემპერატურაზე. დასაშვებია ხუთჯერადი გაყინვა საერთო ხანგრძლივობით არაუმეტეს 2 კვირისა არანაკლებ -40°C ტემპერატურაზე.
დაიცავით პროდუქტიანი ვედრო გადაჭარბებული გახურებისგან და მოერიდეთ შენახვას მზის პირდაპირი სხივების ქვეშ. პირობების დაცვის შემთხვევაში, შენახვის საგარანტიო ვადა დახურულ ქარხნულ შეფუთვაში შეადგენს 24 თვეს დამზადების დღიდან. შენახვისას შესაძლებელია პროდუქტის განშრევება, რაც ადვილად გამოსწორდება შერევით. ბოლომდე გამოუყენებელი პროდუქტი შეინახეთ მჭიდროდ დახურულ ტარაში და გამოიყენეთ რაც შეიძლება სწრაფად.
პროდუქტი სახანძრო და აფეთქებაუსაფრთხოა, არ შეიცავს ადვილად აალებად კომპონენტებს.