Նշանակությունը՝
Դեկորատիվ սվաղ ֆասադների և ինտերիերների հարդարման համար, որը նմանակում է բնական քարի, մարմարի, կրաքարի, բետոնի տարբեր ֆակտուրաներ և այլ հանքային կառուցվածքներ։
Տեխնիկաների և քսման հատուկ գործիքների բազմազանության շնորհիվ թույլ է տալիս ստեղծել ինտերիերի եզակի դիզայն տարբեր ոճերում՝ դասական, էկլեկտիկա, loft, high-tech, ար-դեկո և այլն։ Իդեալական է բնակելի տարածքների, սրահների, միջանցքների, խոհանոցների, հյուրասենյակների, ննջասենյակների, լոգասենյակների ձևավորման համար։ Կիրառվում է նաև շենքերի ֆասադների տարբեր դիզայներական լուծումներում, գրասենյակների, հյուրանոցների, ռեստորանների, առևտրի կենտրոնների ներքին հարդարման մեջ։
Թաքցնում է մակերեսի անհարթությունները և պատերի մանր թերությունները:
Ձևավորում է հակավանդալային, ամուր, գոլորշիանցանելի, ինքնամաքրվող հիդրոֆոբ ծածկույթ «լոտոսի» էֆեկտով, որը կայուն է բորբոսի և սնկերի առաջացման նկատմամբ:

Հիմքի տեսակը՝
Օգտագործվում է նորմալ և բարձր խոնավությամբ շինությունների ներսում և դրսում աշխատանքների համար։
Քսվում է բետոնի, երկաթբետոնի, աղյուսի, գիպսային, ցեմենտային, կրային, ցեմենտա-կրային սվաղների, գիպսակարտոնի, ԴՍՊ-ի, ԴՎՊ-ի վրա, ինչպես նաև նախկինում ջրադիսպերսիոն ներկերով ներկված ամուր մակերեսների վրա

Կիրառման եղանակը՝

• Ձեռքի
• Մեքենայական

Ծախսը 1 շերտի համար՝
1−1,5 կգ/մ²

Գունավորում (կոլորավորում)՝
Ծեփամածիկը թողարկվում է բազայի տեսքով և կարող է գունավորվել ձեռքով կամ համակարգչային (մեքենայական) եղանակով՝ RAL, NCS և այլ գունային կատալոգների գույներով:

Կազմը՝
Մոդիֆիկացված ակրիլային դիսպերսիա, տիտանի երկօքսիդ, լցոնիչներ, բիոցիդներ, ֆունկցիոնալ հավելումներ, ջուր

Գույն*՝
Սպիտակ

Հիմնական ֆրակցիա՝
0,2−0,5 մմ

Խտություն՝
1,8−2 կգ/լ

Ծախսը 1 շերտի համար**՝
1−1,5 կգ/մ²

Քսման հաստությունը մեկ շերտով՝
Մինչև 0,5 մմ

Շերտերի քանակը՝
Կախված ընտրված էֆեկտից

Չորացման ժամանակը «հպման համար"***՝
2 ժամ

Միջշերտային չորացման ժամանակը***՝
6 ժամ

Կայունություն մթնոլորտային տեղումների նկատմամբ***՝
Քսելուց ոչ շուտ, քան 24 ժամ հետո

ՄԴՆՎ՝
80−85%

Կայունություն խոնավ շփման նկատմամբ ԳՕՍՏ 32 300/ DIN EN 13 300՝
1 դաս

Դյուրավառության խումբ ԳՕՍՏ 30 244՝
Գ1 (թույլ վառվող)

Բռնկելիության խումբ ԳՕՍՏ 30 402՝
Վ1 (դժվար բռնկվող)

Ծխագոյացման ունակության խումբ ԳՕՍՏ 12.1.044՝
Դ2 (չափավոր ծխագոյացման ունակությամբ)

Այրման արգասիքների թունավորության խումբ ԳՕՍՏ 12.1.044՝
Տ2 (չափավոր վտանգավոր)

ՑՕՄ պարունակություն ԳՕՍՏ 33 290՝
ոչ ավել քան 40գ/լ

Օդի և հիմքի ջերմաստիճանը կիրառման ժամանակ՝
+5°С-ից մինչև +30°С

Պնդացած կազմի շահագործման ջերմաստիճանը՝
-50°С-ից մինչև +70°С

^* Թույլատրվում է հիմնական գույնից տարբերվող մասնիկների որոշակի պարունակություն, ինչը չի ազդում ապրանքի տեխնիկական բնութագրերի վրա: Դա բացատրվում է կազմում բնական ծագման լցոնիչների առկայությամբ:
** Նյութի ծախսը կախված է հիմքի պատրաստման որակից, քսման եղանակից, օգտագործվող գործիքից, աշխատանքների կատարողների որակավորումից և կարող է տարբերվել նշված արժեքներից:
*** Որակի նշված ցուցանիշները և առաջարկությունները ճիշտ են շրջակա միջավայրի (+20±2)°С ջերմաստիճանի և օդի (65±5)% ոչ ավել հարաբերական խոնավության դեպքում: Այլ պայմաններում չորացման և շտկման ժամանակը կարող է տարբերվել նշվածներից:

Նշանակությունը և հատկությունները
Դեկորատիվ սվաղ ֆասադների և ինտերիերների հարդարման համար, որը նմանակում է բնական քարի, մարմարի, կրաքարի, բետոնի և այլ հանքային կառուցվածքների տարբեր ֆակտուրաներ: Շնորհիվ կիրառման տեխնիկաների և հատուկ գործիքների բազմազանության՝ թույլ է տալիս ստեղծել ինտերիերի եզակի դիզայն տարբեր ոճերում՝ դասական, էկլեկտիկա, loft, high-tech, ար-դեկո և այլն: Իդեալական է բնակելի տարածքների, սրահների, միջանցքների, խոհանոցների, հյուրասենյակների, ննջասենյակների, լոգասենյակների ձևավորման համար: Կիրառվում է նաև շենքերի ֆասադների տարբեր դիզայներական լուծումներում, գրասենյակների, հյուրանոցների, ռեստորանների, առևտրի կենտրոնների ներքին հարդարման համար:
Թաքցնում է մակերեսի անհարթությունները և պատերի մանր թերությունները:
Առաջացնում է հակավանդալային, ամուր, գոլորշիանցանելի, ինքնամաքրվող հիդրոֆոբ ծածկույթ «լոտոսի» էֆեկտով, որը կայուն է բորբոսի և սնկերի առաջացման նկատմամբ:

ԿԻՐԱՌՄԱՆ ՈԼՈՐՏԸ
Օգտագործվում է նորմալ և բարձր խոնավությամբ շինությունների ներսում և դրսում աշխատանքների համար: Քսվում է բետոնի, երկաթբետոնի, աղյուսի, գիպսային, ցեմենտային, կրային, ցեմենտա-կրային սվաղների, գիպսաստվարաթղթի, ԴՍՊ-ի, ԴՎՊ-ի վրա, ինչպես նաև նախկինում ջրադիսպերսիոն ներկերով ներկված ամուր մակերեսների վրա: Հարմար է ձեռքով և մեքենայական քսման համար:
Թույլատրվում է օգտագործել հետևյալ տիպի շենքերում և կառույցներում.
Տիպ Ա — բնակելի տներ և հանրակացարաններ; երեխաների և երիտասարդների դաստիարակության և ուսուցման, հանգստի և առողջացման կազմակերպությունների շենքեր և տարածքներ; առողջապահական կազմակերպություններ; հաշմանդամների և տարեցների տներ; սանատորիաներ; հանգստյան տներ; փակ մարզական կառույցներ; արդյունաբերական ձեռնարկությունների և Բ, Վ տիպի այլ օբյեկտների կառավարման շենքերում մարդկանց մշտական գտնվելու համար նախատեսված ծառայողական տարածքներ:
Տիպ Բ — սննդի արդյունաբերության, առևտրի և հանրային սննդի ձեռնարկություններ; հյուրանոցներ; արդյունաբերական ապրանքների խանութներ; կապի ձեռնարկություններ; կենցաղային սպասարկման ձեռնարկություններ; մշակութային-զվարճանքի և այլ օբյեկտներ; կառավարման շենքեր:
Տիպ Վ — արդյունաբերական ձեռնարկություններ, օժանդակ և կենցաղային տարածքներ ու կառույցներ; պահեստներ; ավտոտնակներ:

Երանգավորում
Դեկորատիվ սվաղը թողարկվում է բազայի տեսքով և կարող է երանգավորվել համակարգչային (մեքենայական) եղանակով RAL, NCS և այլ գունային կատալոգների գույներով: Հնարավոր է ձեռքով երանգավորում ջրային հիմքով երանգավորող մածուկների օգնությամբ, որոնք օժտված են բարձր լուսա- և մթնոլորտակայունությամբ:
Խորհուրդ է տրվում ավելացնել ոչ ավել քան 5% երանգավորիչ, քանի որ դրա չափաբաժնի գերազանցումը բացասաբար է անդրադառնում ծածկույթի ամրության և քսման տեխնոլոգիականության վրա:
Երանգավորման արդյունքի համար պատասխանատվություն է կրում երանգավորումն իրականացնող կազմակերպությունը:
Կախված քսման պայմաններից, ինչպես նաև ներկվող մակերեսի ֆակտուրայից՝ գույների իրական երանգները կարող են փոքր-ինչ տարբերվել գունային կատալոգում ներկայացվածներից:
Օգտագործելուց առաջ անհրաժեշտ է կատարել փորձնական քսում և ստուգել չորացած ծածկույթի համապատասխանությունը գույնին:
Երանգների տարբերություններից խուսափելու համար խորհուրդ է տրվում մեկ տեսանելի հարթության վրա օգտագործել նույն արտադրական խմբաքանակի ապրանք (խմբաքանակի համարը նշված է յուրաքանչյուր փաթեթի վրա) կամ նախապես խառնել տարբեր խմբաքանակների նյութերը 1:1 հարաբերակցությամբ, քսման տեխնոլոգիան պետք է մնա անփոփոխ:
Ֆասադների վրա 25%-ից պակաս անդրադարձման գործակից ունեցող ինտենսիվ կամ մուգ գույների նյութերի կիրառումը պետք է սահմանափակվի փոքր մակերեսներով, որոնք զբաղեցնում են ֆասադի ոչ ավել քան 10%-ը, օրինակ՝ առանձին ճարտարապետական դետալներով:

ՀԻՄՔԻ ՊԱՏՐԱՍՏՈՒՄ
Հիմքը պետք է համապատասխանի СП 71.13330.2017 պահանջներին:
Բետոն, երկաթբետոն, բջջավոր բետոն – 3 ամսականից ավելի տարիք և 4%-ից ոչ ավել հարաբերական խոնավություն;
Ցեմենտա-ավազային, ցեմենտա-կրային սվաղներ – 28 օրական տարիք և 4%-ից ոչ ավել հարաբերական խոնավություն;
BERGAUF ISOFIX, BAU PUTZ ZEMENT, UNTER BAU, GLATTE ZEMENT, FINISH ZEMENT – 3 օրականից ավելի տարիք և 6%-ից ոչ ավել հարաբերական խոնավություն;
Թերթավոր գիպսա-, ցեմենտա-, փայտանյութ պարունակող նյութեր, ինչպես նաև գիպսային սվաղներ – 10 մմ-ից ոչ պակաս հաստություն, 1%-ից ոչ ավել հարաբերական խոնավություն:
Իդեալական դեկորատիվ էֆեկտ ստանալու համար հիմքի հարթության շեղումը երկմետրանոց քանոնով ստուգելիս պետք է կազմի ոչ ավել, քան ապրանքում օգտագործվող ֆրակցիայի մեծությունը:
Քսելուց առաջ մակերեսը մաքրել կեղտից և փոշուց, շերտազատվող հին ծածկույթներից և յուղային բծերից՝ այն ամենից, ինչը կարող է վատթարացնել նյութի կպչունությունը հիմքին: Վնասված հին ծածկույթները պետք է հեռացվեն: Խոշոր ճաքերը խորհուրդ է տրվում հիմնական սվաղումից մեկ օր առաջ լցնել սվաղային բաղադրությամբ (օրինակ՝ BERGAUF BAU PUTZ ZEMENT): Թերթավոր նյութերը պետք է ամուր ամրացված լինեն 1,2 մեծացված ամրացման գործակցով:
Կպչունությունը բարելավելու, լուսանցքները նվազեցնելու և դեկորատիվ սվաղի նկարի որակը բարձրացնելու համար մակերեսը նախապես մշակել Bergauf TechnoPrimer գրունտով և/կամ Bergauf Techno Primer Paint գրունտ-ներկով և չորացնել 4 ժամվա ընթացքում: Անհրաժեշտության դեպքում գրունտ-ներկը պետք է երանգավորել հաջորդող ծածկույթի գույնով:

ԱՇԽԱՏԱՆՔԻ ԿԱՐԳԸ
Քսելուց առաջ սվաղը պետք է մանրակրկիտ խառնել, քանի որ պահպանման ժամանակ հնարավոր է նյութի շերտավորում: Թույլատրվում է սվաղի նոսրացում ջրով՝ նյութի զանգվածի 5%-ից ոչ ավել քանակությամբ:
Սվաղը քսել քսաթիակով (кельма), մածկաթիակով, կառուցվածքային գլանակով և այլ գործիքով, որը թույլ է տալիս ստեղծել պահանջվող դեկորատիվ էֆեկտները: Լիարժեք չորացումից հետո ծածկույթը լավ փայլեցվում է մածկաթիակով կամ քսաթիակով: Ավելի բարձր փայլ ստանալու համար կարելի է օգտագործել հղկող մեքենա և/կամ պաշտպանիչ մոմային էմուլսիա; մակերեսի լրացուցիչ տոնավորման համար՝ լեսիրող բաղադրություն:
«Աշխարհի քարտեզ» էֆեկտ ստեղծելու համար օգտագործվում են 12-15 մմ մազիկներով գլանակներ, մետաղական մածկաթիակ, վենետիկյան քսաթիակ/սվաղային քսաթիակ:

Քսումը խորհուրդ է տրվում կատարել 3 փուլով՝ 
1. Գլանակի վրա առատորեն հավաքել նյութը և քսել հիմքին 2 մմ շերտով: Այնուհետև նյութը հավասարաչափ տարածել մակերեսով:
2. Նույն գլանակով ստեղծել «Շագրեն» ռելիեֆ՝ վերևից ներքև շարժումներով մի քանի անգամ: Սպասել լիարժեք չորացմանը՝ 24 ժամ:
3. «Շագրեն» ռելիեֆի չորացումից հետո, մածկաթիակի օգնությամբ առատորեն քսաթիակի ամբողջ հարթությանը քսել նյութը և թփթփացնող շարժումներով քսաթիակի հարթության վրա ձևավորել շագրենի տեսքով կպչուն հետքեր: Այնուհետև շագրենով քսաթիակը դրոշմել «Շագրեն» ռելիեֆի առաջին շերտի վրա, մածկաթիակով հեռացնել նյութի մնացորդները քսաթիակից և քսաթիակի եզրով 40 աստիճան անկյան տակ հավասարեցնել նյութը քաոսային շարժումներով՝ ստանալով «Աշխարհի քարտեզի» տեսքով նկար՝ հարթեցված կղզյակներով և դրանց միջև շագրենով: Կրկնել շարժումները մինչև ամբողջ մակերեսը ծածկվի: Սպասել լիարժեք չորացմանը՝ 24 ժամ:
Եթե լիարժեք չորացումից հետո մակերեսի վրա կան խոշոր անհարթություններ, և դրանք խանգարում են տակտիլ ընկալմանը, կարելի է մշակել հղկաթղթով՝ 180Р-ից ոչ ավել աբրազիվով: Այնուհետև անպայման մակերեսը պատել ջրադիսպերսիոն ծածկույթների համար նախատեսված պաշտպանիչ լաքով՝ հղկումից հետո ծածկույթը պաշտպանելու համար: Լաքի չորացումից հետո մակերեսը կդառնա միատարր գույնի:
Աշխատանքը սվաղի շերտի սահմանագծին դադարեցնելու անհրաժեշտության դեպքում փակցնել ներկարարական ժապավեն, որը պետք է հեռացնել մինչև սվաղի պնդացումը:

Շրջակա միջավայրի +20°С-ից ցածր ջերմաստիճանի և օդի 60%-ից բարձր հարաբերական խոնավության դեպքում դեկորատիվ սվաղը քսելուց հետո առաջին 3 օրվա ընթացքում պետք է պաշտպանել արևի ուղիղ ճառագայթների, քամու և անձրևի ազդեցությունից: Նման պայմաններում խորհուրդ է տրվում շինարարական լաստակները ծածկել հատուկ ցանցով կամ թաղանթով, շենքի վրա տեղադրել ջրհորդաններ: Թույլ չտալ սառեցում և չորացում:
Ներքին հարդարումը պետք է կատարել միայն լավ օդափոխվող տարածքներում, իսկ աշխատանքների ավարտից հետո պահպանել օդի շրջանառությունը մինչև ծածկույթի լիարժեք չորացումը:
Աշխատանքից անմիջապես հետո գործիքները լվանալ ջրով: Եթե գործիքները անմիջապես չեն մաքրվել, ապա հետագայում դրանք կարելի է մաքրել միայն մեխանիկական եղանակով:

Արգելվում է աշխատել մթնոլորտային տեղումների, մառախուղի ժամանակ, ինչպես նաև անձրևից հետո թաց մակերեսների վրա և +5°С-ից ցածր ու +30°С-ից բարձր ջերմաստիճանի դեպքում:  

ԱՆՎՏԱՆԳՈՒԹՅԱՆ ՏԵԽՆԻԿԱ
Աշխատանքները պետք է կատարել ձեռքերի, աչքերի և շնչուղիների անհատական պաշտպանության միջոցներով: Օգտագործել լավ օդափոխվող տարածքներում:

ՊԱՀՊԱՆՈՒՄ ԵՎ ՓՈԽԱԴՐՈՒՄ
Պահպանել և փոխադրել հերմետիկ փակ տարայում +5°С-ից մինչև +30°С ջերմաստիճանում: Թույլատրվում է հնգակի սառեցում՝ 2 շաբաթից ոչ ավել ընդհանուր տևողությամբ, -40°С-ից ոչ ցածր ջերմաստիճանում: Պետք է պաշտպանել ապրանքով դույլը չափազանց տաքացումից և խուսափել արևի ուղիղ ճառագայթների տակ պահելուց: Պայմանների պահպանման դեպքում գործարանային փակ փաթեթավորմամբ պահպանման երաշխիքային ժամկետը կազմում է 24 ամիս՝ արտադրման օրվանից: Ապրանքը հրդեհա- և պայթյունավտանգ չէ, չի պարունակում դյուրավառ բաղադրիչներ:

ՈՒՏԻԼԻԶԱՑՈՒՄ
Չթափել կոյուղի, ջրամբարներ, հողի վրա: Չոր դատարկ տարան հանձնել աղբավայր, հեղուկ մնացորդները հանձնել վնասակար նյութերի հավաքման կետեր: