Նշանակությունը.
Պատրաստի սիլիկատ-սիլիկոնային սվաղ՝ դեկորատիվ ֆակտուրային էֆեկտով, նախատեսված հանքային բամբակի և փրփրապոլիստիրոլի հիմքով ֆասադների ջերմամեկուսացման համակարգերում կիրառելու, ինչպես նաև շենքերի և շինությունների չոր և խոնավ տարածքների ներքին հարդարման համար։

Հիմքի տեսակը՝

• Արմատավորված բազային սվաղային շերտ։
• Բետոն, երկաթբետոն, բջջավոր բետոն։
• Ցեմենտ-ավազային, ցեմենտ-կրային սվաղներ։
• Գիպսային սվաղներ։
• Ցեմենտային մածիկներ։
• Գիպս, ցեմենտ և փայտ պարունակող թերթավոր նյութեր։

Կիրառման եղանակը:

• Ձեռքի և մեքենայացված

Ծախսը՝
2,4-2,8 կգ/մ2

Երանգավորում՝
Ծեփամածիկը թողարկվում է բազայի տեսքով և կարող է երանգավորվել ձեռքով կամ համակարգչային (մեքենայացված) եղանակով՝ RAL, NCS և այլ գունային կատալոգների գույներով։

Կազմը՝
Բիֆունկցիոնալ համապոլիմերների ջրային հիբրիդային դիսպերսիա, հանքային լցոնիչներ, նորարարական հավելումներ

Գույն՝
Սպիտակ**

Խտություն՝
1,8−1,9 կգ/լ

Ֆրակցիա:
1,5 մմ

Ծախսը 1մ2-ի համար:
2,4-2,8 կգ*

Քսման հաստությունը:
1,5 մմ

Չորացման ժամանակը մինչև 3-րդ աստիճան:
Ոչ ավել, քան 5 ժամ***

Կայունություն մթնոլորտային տեղումների նկատմամբ:
Ոչ շուտ, քան 24 ժամ հետո

Հետագա աշխատանքներ:
3 օր հետո

Պիտանիության ժամկետ:
24 ամիս

* Նյութի ծախսը կախված է հիմքի նախապատրաստման որակից, քսման եղանակից, օգտագործվող գործիքից, աշխատանքների կատարողների որակավորումից և կարող է տարբերվել նշված արժեքներից:
**Թույլատրվում է հիմնական գույնից տարբերվող մասնիկների որոշակի պարունակություն, ինչը չի ազդում ապրանքի տեխնիկական բնութագրերի վրա: Դա բացատրվում է բաղադրության մեջ բնական ծագման լցոնիչների առկայությամբ:
*** Որակի նշված ցուցանիշները և հանձնարարականները ճիշտ են շրջակա միջավայրի +20°C ջերմաստիճանի և օդի 60% հարաբերական խոնավության դեպքում։ Այլ պայմաններում չորացման և շտկման ժամանակը կարող է տարբերվել նշվածներից։

Նշանակություն և հատկություններ
Բարձրորակ, ժամանակակից լուծումների հիման վրա պատրաստի սվաղ՝ նախատեսված հանքային բամբակի և փրփրապոլիստիրոլի հիմքով ֆասադների ջերմամեկուսացման համակարգերում կիրառման, ինչպես նաև Ա, Բ, Վ տիպի շենքերի և շինությունների չոր և խոնավ տարածքների ներքին հարդարման համար։
Նորարարական բաղադրությունը ձևավորում է բարձր ամրությամբ, ինքնամաքրման էֆեկտով և բարձր գոլորշիանցանելիության ու ցածր ջրակլանման լավագույն հարաբերակցությամբ ծածկույթ։ Ամրանավորող միկրոմանրաթելերը ծածկույթին հաղորդում են հավելյալ ամրություն, առաձգականություն և դիմադրողականություն նստվածքի նկատմամբ։

Տեխնիկական առանձնահատկություններ
Նյութի հիբրիդային բնույթն ապահովում է գերազանց կպչունություն և ամուր կապերի ձևավորում ինչպես հիմքի հետ, այնպես էլ ծածկույթի ներսում, իսկ ուղղահայաց կապերը նպաստում են գոլորշու դուրսբերման համար միկրոթունելների ձևավորմանը։ Ծածկույթը կայուն է բորբոսի և սնկերի առաջացման նկատմամբ։ Երանգավորվում է պաստելային և հագեցած գույներով։
Պլաստիկ, աշխատանքի մեջ հարմարավետ կոնսիստենցիան թույլ է տալիս հեշտությամբ և արագ քսել սվաղը մակերևույթին և ձևավորել ցանկալի ֆակտուրան։

Երանգավորում
Դեկորատիվ սվաղը թողարկվում է բազայի տեսքով և կարող է երանգավորվել համակարգչային (մեքենայական) եղանակով՝ RAL, NCS և այլ գունային կատալոգների գույներով։ Հնարավոր է ձեռքով երանգավորում՝ ջրային հիմքով երանգավորող մածուկների օգնությամբ, որոնք օժտված են բարձր լուսա- և մթնոլորտակայունությամբ։ Երանգավորման արդյունքի համար պատասխանատվությունը կրում է երանգավորումն իրականացնող կազմակերպությունը։

Գունահաղորդման առանձնահատկությունները
Կախված քսման պայմաններից, ինչպես նաև ներկվող մակերևույթի ֆակտուրայից՝ գույների իրական երանգները կարող են փոքր-ինչ տարբերվել գունային կատալոգում ներկայացվածներից:

Օգտագործելուց առաջ անհրաժեշտ է կատարել փորձնական քսում և ստուգել չորացած ծածկույթի համապատասխանությունը գույնին։
Երանգների տարբերությունից խուսափելու համար խորհուրդ է տրվում մեկ տեսանելի հարթության վրա օգտագործել նույն արտադրական խմբաքանակի արտադրանք (խմբաքանակի համարը նշված է յուրաքանչյուր փաթեթի վրա) կամ նախապես խառնել տարբեր խմբաքանակների նյութերը 1:1 հարաբերակցությամբ, կիրառման տեխնոլոգիան պետք է մնա անփոփոխ։

Գույնի վերաբերյալ առաջարկություններ
BERGAUF FACADE GRUNT նախաներկը խորհուրդ է տրվում օգտագործել այնպիսի գույնով, որը մոտ է կիրառվող սվաղի գույնին:
Ճակատների վրա 25%-ից պակաս անդրադարձման գործակից ունեցող ինտենսիվ կամ մուգ գույների նյութերի կիրառումը պետք է սահմանափակվի փոքր մակերեսներով, որոնք զբաղեցնում են ճակատի 10%-ից ոչ ավելին, օրինակ՝ առանձին ճարտարապետական դետալներով:

Քսման տեխնոլոգիա
Աշխատանքները պետք է կատարվեն համաձայն СП 293.1325800.2017-ի։
Քսելուց առաջ անհրաժեշտ է ծեփը մանրակրկիտ խառնել, քանի որ պահպանման ժամանակ հնարավոր է արտադրանքի շերտավորում։ Թույլատրվում է ծեփի նոսրացում ջրով՝ նյութի զանգվածի 5%-ից ոչ ավել քանակությամբ։
Ծեփը քսել չժանգոտվող պողպատից քերիչով՝ մակերեսի նկատմամբ 60° անկյան տակ, շերտի հաստությունը պետք է համապատասխանի ծեփի հատիկի չափին։ Որոշ ժամանակ անց, երբ խառնուրդն այլևս չի կպչի գործիքին, կարելի է անցնել ֆակտուրայի ձևավորմանը պլաստիկե քերիչով։ Պլաստիկե քերիչը պետք է պահել մակերեսին զուգահեռ և ձևավորել ֆակտուրան թեթև շարժումներով՝ առանց սեղմելու։
«Քարիկային» ֆակտուրան ձևավորում են քերիչի մանր շրջանաձև շարժումներով՝ ուղղված մի կողմ, որպես կանոն՝ ժամացույցի սլաքին հակառակ։

Աշխատանքների կատարման առանձնահատկությունները
Աշխատանքը դադարեցնելու անհրաժեշտության դեպքում ծեփի շերտի սահմանագծով փակցնում են ներկարարական ժապավեն, որն անհրաժեշտ է հեռացնել մինչև ծեփի պնդանալը։ Միատարր ֆակտուրա ստանալու համար պետք է ապահովել աշխատողների բավարար քանակություն լաստակների յուրաքանչյուր մակարդակում և հարակից մակարդակների միջև հատվածների միացումը կատարել «թացը թացի վրա» մեթոդով։
Շրջակա միջավայրի +20°C-ից ցածր ջերմաստիճանի և օդի 60%-ից բարձր հարաբերական խոնավության դեպքում դեկորատիվ ծեփը քսելուց հետո առաջին 3 օրվա ընթացքում պետք է պաշտպանել արևի ուղիղ ճառագայթներից, քամուց և անձրևից։ Նման պայմաններում խորհուրդ է տրվում շինարարական լաստակները ծածկել հատուկ ցանցով կամ թաղանթով, շենքի վրա տեղադրել ջրահեռացման համակարգեր։ Թույլ չտալ սառեցում և չորացում։
Ներքին հարդարումը պետք է կատարել միայն լավ օդափոխվող տարածքներում, իսկ աշխատանքների ավարտից հետո պահպանել օդի շրջանառությունը մինչև ծածկույթի ամբողջական չորացումը։

Հետագա աշխատանքներ
Դեկորատիվ սվաղի մակերեսը կարելի է ներկել ակրիլային, սիլիկոնային կամ սիլիկատային ներկերով։ Ներկումն իրականացվում է ոչ շուտ, քան 3-5 օր հետո՝ կախված շրջակա միջավայրի պայմաններից։
Աշխատանքից անմիջապես հետո գործիքները մաքրել ջրով։ Եթե գործիքները անմիջապես չեն մաքրվել, ապա հետագայում դրանք կարելի է մաքրել միայն մեխանիկական եղանակով։

Սահմանափակումներ
Արգելվում է աշխատել մթնոլորտային տեղումների, մառախուղի ժամանակ, ինչպես նաև անձրևից հետո թաց մակերեսների վրա և +5-ից ցածր ու +30 °C-ից բարձր ջերմաստիճանի պայմաններում։

Պահպանման և տեղափոխման պայմանները
Պահպանել և փոխադրել հերմետիկ փակ տարայում՝ +5°-ից ոչ պակաս և +30°C-ից ոչ ավել ջերմաստիճանում։ Թույլատրվում է հնգակի սառեցում՝ ընդհանուր 3 շաբաթից ոչ ավել տևողությամբ, -20°C-ից ոչ ցածր ջերմաստիճանում։

Պետք է պաշտպանել արտադրանքով դույլը չափից ավելի տաքացումից և խուսափել արևի ուղիղ ճառագայթների տակ պահելուց։ Պայմանների պահպանման դեպքում գործարանային փակ փաթեթավորմամբ պահպանման երաշխիքային ժամկետը կազմում է 24 ամիս՝ արտադրման օրվանից։

Անվտանգություն
Արտադրանքը հրդեհա- և պայթյունավտանգ չէ, չի պարունակում դյուրավառ բաղադրիչներ: