Նշանակությունը՝
Պատրաստի սիլիկատ-սիլիկոնային սվաղ՝ դեկորատիվ ֆակտուրային էֆեկտով, նախատեսված հանքային բամբակի և փրփրապոլիստիրոլի հիմքով ֆասադների ջերմամեկուսացման համակարգերում կիրառելու, ինչպես նաև շենքերի և շինությունների չոր և խոնավ տարածքների ներքին հարդարման համար։

Հիմքի տեսակը՝

• Արմատավորված բազային սվաղային շերտ:
• Բետոն, երկաթբետոն, բջջավոր բետոն:
• Ցեմենտ-ավազային, ցեմենտ-կրային սվաղներ։
• Գիպսային սվաղներ։
• Ցեմենտային մածիկներ:
• Գիպս, ցեմենտ, փայտ պարունակող թերթավոր նյութեր:

Կիրառման եղանակը՝

• Ձեռքի և մեքենայացված

Ծախսը՝
2,4-2,8 կգ/մ2

Գունավորում (կոլորավորում)՝
Ծեփամածիկը թողարկվում է բազայի տեսքով և կարող է գունավորվել ձեռքով կամ համակարգչային (մեքենայական) եղանակով՝ RAL, NCS և այլ գունային կատալոգների գույներով:

Կազմը՝
Բիֆունկցիոնալ համապոլիմերների ջրային հիբրիդային դիսպերսիա, հանքային լցոնիչներ, նորարարական հավելումներ

Գույնը՝
Սպիտակ**

Խտությունը՝
1,8−1,9 կգ/լ

Ֆրակցիան՝
1,5 մմ

Ծախսը 1մ2-ի համար՝
2,4-2,8 կգ*

Քսվող շերտի հաստությունը՝
1,5 մմ

Չորացման ժամանակը մինչև 3-րդ աստիճան՝
Ոչ ավել, քան 5 ժամ***

Կայունություն մթնոլորտային տեղումների նկատմամբ՝
Ոչ շուտ, քան 24 ժամ հետո

Հետագա աշխատանքներ՝
3 օր հետո

Պիտանիության ժամկետ՝
24 ամիս

* Նյութի ծախսը կախված է հիմքի նախապատրաստման որակից, քսման եղանակից, օգտագործվող գործիքից, աշխատողների որակավորումից և կարող է տարբերվել նշված արժեքներից:
**Թույլատրվում է հիմնական գույնից տարբերվող մասնիկների որոշակի պարունակություն, ինչը չի ազդում ապրանքի տեխնիկական բնութագրերի վրա: Դա բացատրվում է կազմում բնական ծագման լցոնիչների առկայությամբ:
*** Որակի նշված ցուցանիշները և առաջարկությունները ճիշտ են շրջակա միջավայրի +20°C ջերմաստիճանի և օդի 60% հարաբերական խոնավության դեպքում: Այլ պայմաններում չորացման և շտկման ժամանակը կարող է տարբերվել նշվածներից:

Նշանակությունը և հատկությունները
Բարձրորակ, ամենաժամանակակից լուծումների հիման վրա պատրաստի սվաղ՝ հանքային բամբակի և փրփրապոլիստիրոլի հիմքով ֆասադների ջերմամեկուսացման համակարգերում կիրառելու, ինչպես նաև Ա, Բ, Վ տիպի շենքերի և շինությունների չոր և խոնավ սենյակների ներքին հարդարման համար։
Նորարարական կազմը ձևավորում է բարձր ամրությամբ, ինքնամաքրման էֆեկտով և բարձր գոլորշիանցանելիության ու ցածր ջրակլանման լավագույն հարաբերակցությամբ ծածկույթ։ Ամրանավորող միկրոմանրաթելերը ծածկույթին հաղորդում են լրացուցիչ ամրություն, առաձգականություն և դիմացկունություն նստվածքի նկատմամբ։

Տեխնիկական առանձնահատկությունները
Նյութի հիբրիդային բնույթն ապահովում է գերազանց կպչունություն և ամուր կապերի առաջացում ինչպես հիմքի հետ, այնպես էլ ծածկույթի ներսում, ուղղահայաց կապերը նպաստում են գոլորշու դուրսբերման համար միկրոթունելների առաջացմանը։ Ծածկույթը կայուն է բորբոսի և սնկերի առաջացման նկատմամբ։ Երանգավորվում է պաստելային և հագեցած գույներով։
Պլաստիկ, աշխատանքի համար հարմար կոնսիստենցիան թույլ է տալիս հեշտությամբ և արագ քսել սվաղը մակերեսին և ձևավորել ցանկալի ֆակտուրան։

Երանգավորում
Դեկորատիվ ծեփամածիկը թողարկվում է բազայի տեսքով և կարող է երանգավորվել համակարգչային (մեքենայական) եղանակով՝ RAL, NCS և այլ գունային կատալոգների գույներով: Հնարավոր է ձեռքով երանգավորում ջրային հիմքով երանգավորող մածուկների օգնությամբ, որոնք օժտված են բարձր լուսա- և մթնոլորտակայունությամբ: Երանգավորման արդյունքի համար պատասխանատվություն է կրում երանգավորումն իրականացնող կազմակերպությունը:

Գունահաղորդման առանձնահատկությունները
Կախված քսման պայմաններից, ինչպես նաև ներկվող մակերեսի ֆակտուրայից՝ գույների իրական երանգները կարող են փոքր-ինչ տարբերվել գունային կատալոգում ներկայացվածներից:

Օգտագործելուց առաջ անհրաժեշտ է կատարել փորձնական քսում և ստուգել չորացած ծածկույթի համապատասխանությունը գույնին:
Երանգների տարբերությունից խուսափելու համար խորհուրդ է տրվում մեկ տեսանելի հարթության վրա օգտագործել նույն արտադրական խմբաքանակի ապրանք (խմբաքանակի համարը նշված է յուրաքանչյուր փաթեթի վրա) կամ նախապես խառնել տարբեր խմբաքանակների նյութերը 1:1 հարաբերակցությամբ, քսման տեխնոլոգիան պետք է մնա անփոփոխ:

Առաջարկություններ գույնի վերաբերյալ
BERGAUF FACADE GRUNT նախաներկը խորհուրդ է տրվում կիրառել օգտագործվող ծեփամածիկի գույնին մոտ գույնով:
Ֆասադների վրա 25%-ից պակաս անդրադարձման գործակից ունեցող ինտենսիվ կամ մուգ գույների նյութերի կիրառումը պետք է սահմանափակվի փոքր մակերեսներով, որոնք զբաղեցնում են ֆասադի 10%-ից ոչ ավելին, օրինակ՝ առանձին ճարտարապետական դետալներով:

Քսման տեխնոլոգիան
Աշխատանքները պետք է կատարվեն համաձայն СП 293.1325800.2017-ի:
Քսելուց առաջ ծեփամածիկը անհրաժեշտ է մանրակրկիտ խառնել, քանի որ պահպանման ժամանակ հնարավոր է նյութի շերտավորում: Թույլատրվում է ծեփամածիկի նոսրացում ջրով՝ նյութի զանգվածի 5%-ից ոչ ավելի քանակությամբ:
Ծեփամածիկը քսել չժանգոտվող պողպատից քերիչով՝ մակերեսի նկատմամբ 60° անկյան տակ, շերտի հաստությունը պետք է համապատասխանի ծեփամածիկի հատիկի չափին: Որոշ ժամանակ անց, երբ խառնուրդը դադարի կպչել գործիքին, կարելի է անցնել ֆակտուրայի ձևավորմանը պլաստիկե քերիչով: Պլաստիկե քերիչը պետք է պահել մակերեսին զուգահեռ և ձևավորել ֆակտուրան թեթև շարժումներով, առանց սեղմելու:
«Քարային» ֆակտուրան ձևավորում են քերիչի մանր շրջանաձև շարժումներով՝ ուղղված մի կողմ, որպես կանոն՝ ժամացույցի սլաքին հակառակ:

Աշխատանքների կատարման առանձնահատկությունները
Աշխատանքը դադարեցնելու անհրաժեշտության դեպքում ծեփի շերտի սահմանագծով փակցնում են ներկարարական ժապավեն, որը պետք է հեռացնել մինչև ծեփամածիկի կարծրանալը: Միատարր ֆակտուրա ստանալու համար պետք է ապահովել աշխատողների բավարար քանակ լեսերի յուրաքանչյուր մակարդակում և հարակից մակարդակների միջև միացումները կատարել «թացը թացի վրա» մեթոդով:
Շրջակա միջավայրի +20°C-ից ցածր ջերմաստիճանի և օդի 60%-ից բարձր հարաբերական խոնավության դեպքում դեկորատիվ ծեփամածիկը քսելուց հետո առաջին 3 օրվա ընթացքում պետք է պաշտպանել արևի ուղիղ ճառագայթների, քամու և անձրևի ազդեցությունից: Նման պայմաններում խորհուրդ է տրվում շինարարական լեսերը փակել հատուկ ցանցով կամ թաղանթով, շենքի վրա տեղադրել ջրահեռացման համակարգեր: Չթույլատրել սառեցում և չորացում:
Ներքին հարդարումը պետք է կատարել միայն լավ օդափոխվող տարածքներում, իսկ աշխատանքների ավարտից հետո պահպանել օդի շրջանառությունը մինչև ծածկույթի ամբողջական չորացումը:

Հետագա աշխատանքներ
Դեկորատիվ ծեփամածիկի մակերեսը կարելի է ներկել ակրիլային, սիլիկոնային կամ սիլիկատային ներկերով: Ներկումն իրականացվում է ոչ շուտ, քան 3−5 օր հետո՝ կախված շրջակա միջավայրի պայմաններից:
Աշխատանքից անմիջապես հետո գործիքները մաքրել ջրով: Եթե գործիքները անմիջապես չեն մաքրվել, ապա հետագայում դրանք կարելի է մաքրել միայն մեխանիկական եղանակով:

Սահմանափակումներ
Արգելվում է աշխատել մթնոլորտային տեղումների, մառախուղի ժամանակ, ինչպես նաև անձրևից հետո թաց մակերեսների վրա և +5-ից ցածր ու +30 °C-ից բարձր ջերմաստիճանի պայմաններում:

Պահպանման և տեղափոխման պայմանները
Պահպանել և տեղափոխել հերմետիկ փակ տարայում +5°-ից ոչ պակաս և +30°C-ից ոչ ավելի ջերմաստիճանում։ Թույլատրվում է հնգակի սառեցում՝ 3 շաբաթից ոչ ավելի ընդհանուր տևողությամբ, -20°C-ից ոչ ցածր ջերմաստիճանում։

Պետք է պաշտպանել ապրանքով դույլը չափից ավելի տաքացումից և խուսափել ուղիղ արևի լույսի տակ պահելուց։ Պայմանների պահպանման դեպքում գործարանային փակ փաթեթավորմամբ պահպանման երաշխիքային ժամկետը կազմում է 24 ամիս՝ արտադրման օրվանից։

Անվտանգություն
Ապրանքը հրդեհա- և պայթյունավտանգ չէ, չի պարունակում դյուրավառ բաղադրիչներ։