Նշանակությունը՝
Պատրաստի սիլիկատ-սիլիկոնային սվաղ՝ դեկորատիվ ֆակտուրային էֆեկտով, նախատեսված հանքային բամբակի և փրփրապոլիստիրոլի հիմքով ֆասադների ջերմամեկուսացման համակարգերում կիրառելու, ինչպես նաև շենքերի և շինությունների չոր և խոնավ տարածքների ներքին հարդարման համար։

Հիմքի տեսակը՝

• Արմատավորված բազային սվաղային շերտ:
• Բետոն, երկաթբետոն, բջջավոր բետոն:
• Ցեմենտ-ավազային, ցեմենտ-կրային սվաղներ։
• Գիպսային սվաղներ։
• Ցեմենտային մածիկներ:
• Գիպս, ցեմենտ, փայտ պարունակող թերթավոր նյութեր:

Կիրառման եղանակը՝

• Ձեռքի

Ծախսը՝
2,5-2,7 կգ/մ²

Երանգավորում.
Սվաղը թողարկվում է բազայի տեսքով և կարող է երանգավորվել ձեռքով կամ համակարգչային (մեքենայական) եղանակով՝ RAL, NCS և այլ գունային կատալոգների գույներով։

Բաղադրությունը՝
Բիֆունկցիոնալ համապոլիմերների ջրային հիբրիդային դիսպերսիա, հանքային լցոնիչներ, նորարարական հավելումներ

Գույնը՝
Սպիտակ**

Խտություն՝
1,7−1,8 կգ/լ

Ֆրակցիա՝
2 մմ

Ծախսը 1մ2-ի համար՝
2,5−2,7 կգ*

Քսման հաստությունը՝
2 մմ

Չորացման ժամանակը մինչև 3-րդ աստիճան՝
Ոչ ավել, քան 5 ժամ***

Կայունություն մթնոլորտային տեղումների նկատմամբ.
Ոչ շուտ, քան 24 ժամ հետո

Հետագա աշխատանքներ:
3 օր հետո

Պիտանիության ժամկետ:
24 ամիս

*Նյութի ծախսը կախված է հիմքի նախապատրաստման որակից, քսման եղանակից, օգտագործվող գործիքից, աշխատանքների կատարողների որակավորումից և կարող է տարբերվել նշված արժեքներից:
**Թույլատրվում է հիմնական գույնից տարբերվող մասնիկների որոշակի պարունակություն, ինչը չի ազդում ապրանքի տեխնիկական բնութագրերի վրա: Դա բացատրվում է կազմի մեջ բնական ծագման լցոնիչների առկայությամբ:
***Որակի նշված ցուցանիշները և հանձնարարականները ճիշտ են շրջակա միջավայրի +20°С ջերմաստիճանի և օդի 60% հարաբերական խոնավության դեպքում: Այլ պայմաններում չորացման և շտկման ժամանակը կարող է տարբերվել նշվածներից:

Նշանակություն և հատկություններ
Բարձրորակ, ժամանակակից լուծումների հիման վրա պատրաստի սվաղ՝ նախատեսված հանքային բամբակի և փրփրապոլիստիրոլի հիմքով ֆասադների ջերմամեկուսացման համակարգերում կիրառման, ինչպես նաև Ա, Բ, Վ տիպի շենքերի և շինությունների չոր և խոնավ տարածքների ներքին հարդարման համար։
Նորարարական կազմը ձևավորում է բարձր ամրությամբ, ինքնամաքրման էֆեկտով և բարձր գոլորշիանցանելիության ու ցածր ջրակլանման լավագույն հարաբերակցությամբ ծածկույթ: Ամրանավորող միկրոմանրաթելերը ծածկույթին հաղորդում են հավելյալ ամրություն, առաձգականություն և դիմացկունություն նստվածքի նկատմամբ:

Տեխնիկական առանձնահատկություններ
Նյութի հիբրիդային բնույթն ապահովում է գերազանց կպչունություն և ամուր կապերի ձևավորում ինչպես հիմքի հետ, այնպես էլ ծածկույթի ներսում, իսկ ուղղահայաց կապերը նպաստում են գոլորշու դուրսբերման համար միկրոթունելների ձևավորմանը։ Ծածկույթը կայուն է բորբոսի և սնկերի առաջացման նկատմամբ։ Երանգավորվում է պաստելային և հագեցած գույներով։
Պլաստիկ, աշխատանքի մեջ հարմարավետ կոնսիստենցիան թույլ է տալիս հեշտությամբ և արագ քսել սվաղը մակերևույթին և ձևավորել ցանկալի ֆակտուրան։

Երանգավորում
Դեկորատիվ սվաղը թողարկվում է բազայի տեսքով և կարող է երանգավորվել համակարգչային (մեքենայական) եղանակով RAL, NCS և այլ գունային կատալոգների գույներով: Հնարավոր է ձեռքով երանգավորում՝ բարձր լուսա- և մթնոլորտակայունություն ունեցող ջրային հիմքով երանգավորող մածուկների օգնությամբ: Խորհուրդ է տրվում ավելացնել ոչ ավել, քան 5% երանգավորիչ, քանի որ դրա չափաբաժնի գերազանցումը բացասաբար է անդրադառնում ծածկույթի ամրության և քսման տեխնոլոգիական հատկությունների վրա:

Երանգավորման արդյունքի համար պատասխանատվությունը կրում է երանգավորումն իրականացնող կազմակերպությունը:

Գունահաղորդման առանձնահատկությունները
Կախված քսման պայմաններից, ինչպես նաև ներկվող մակերեսի ֆակտուրայից՝ գույների իրական երանգները կարող են փոքր-ինչ տարբերվել գունային կատալոգում ներկայացվածներից: Օգտագործելուց առաջ անհրաժեշտ է կատարել փորձնական քսում և ստուգել չորացած ծածկույթի համապատասխանությունը գույնին:

Երանգների տարբերություններից խուսափելու համար խորհուրդ է տրվում մեկ տեսանելի հարթության վրա օգտագործել նույն արտադրական խմբաքանակի արտադրանք (խմբաքանակի համարը նշվում է յուրաքանչյուր փաթեթի վրա) կամ նախապես խառնել տարբեր խմբաքանակների նյութերը 1:1 հարաբերակցությամբ, քսման տեխնոլոգիան պետք է մնա անփոփոխ:

Գույնի վերաբերյալ առաջարկություններ
BERGAUF FACADE GRUNT նախաներկը խորհուրդ է տրվում օգտագործել այնպիսի գույնով, որը մոտ է կիրառվող սվաղի գույնին:
Ճակատների վրա 25%-ից պակաս անդրադարձման գործակից ունեցող ինտենսիվ կամ մուգ գույների նյութերի կիրառումը պետք է սահմանափակվի փոքր մակերեսներով, որոնք զբաղեցնում են ճակատի 10%-ից ոչ ավելին, օրինակ՝ առանձին ճարտարապետական դետալներով:

Կիրառման տեխնոլոգիա
Աշխատանքները պետք է կատարվեն համաձայն СП 293.1325800.2017-ի։
Քսելուց առաջ սվաղը անհրաժեշտ է մանրակրկիտ խառնել, քանի որ պահպանման ընթացքում հնարավոր է արտադրանքի շերտավորում։ Թույլատրվում է սվաղի նոսրացում ջրով՝ նյութի զանգվածի 5%-ից ոչ ավելի քանակությամբ։
Սվաղը քսել չժանգոտվող պողպատից քերիչով՝ մակերեսի նկատմամբ 60° անկյան տակ, շերտի հաստությունը պետք է համապատասխանի սվաղի հատիկի չափին։ Որոշ ժամանակ անց, երբ խառնուրդը դադարի կպչել գործիքին, կարելի է անցնել ֆակտուրայի ձևավորմանը պլաստիկե քերիչով։ Պլաստիկե քերիչը պետք է պահել մակերեսին զուգահեռ և ձևավորել ֆակտուրան թեթև շարժումներով՝ առանց սեղմելու։

Ֆակտուրայի ձևավորման եղանակները.
«Գառնուկ» ֆակտուրան ձևավորվում է շրջանաձև շարժումներով։ «Հորիզոնական կեղևակեր» ֆակտուրան ձևավորվում է ձախ-աջ շարժումներով։ «Ուղղահայաց կեղևակեր» (անձրև) ֆակտուրան ձևավորվում է վերև-ներքև շարժումներով։ «Խաչաձև կեղևակեր» ֆակտուրան ձևավորվում է 2 փուլով. նախ կատարվում են անկյունագծային շարժումներ վերին աջ անկյունից դեպի ստորին ձախ անկյուն, ինչի արդյունքում պետք է ստացվեն երկար և կարճ գծեր, այնուհետև խաչաձև կերպով նախշը քսվում է վերին ձախ անկյունից դեպի ստորին աջ անկյուն։

Աշխատանքների կատարման առանձնահատկությունները
Աշխատանքը դադարեցնելու անհրաժեշտության դեպքում սվաղի շերտի սահմանագծով փակցնում են ներկարարական ժապավեն, որը պետք է հեռացնել մինչև սվաղի կարծրանալը։ Միատարր ֆակտուրա ստանալու համար անհրաժեշտ է ապահովել աշխատողների բավարար քանակություն լաստակների յուրաքանչյուր մակարդակում և հարակից մակարդակների միջև միացումները կատարել «թացը թացի վրա» մեթոդով։
Շրջակա միջավայրի +20°C-ից ցածր ջերմաստիճանի և օդի 60%-ից բարձր հարաբերական խոնավության դեպքում դեկորատիվ սվաղը քսելուց հետո առաջին 3 օրվա ընթացքում պետք է պաշտպանել արևի ուղիղ ճառագայթների, քամու և անձրևի ազդեցությունից։ Նման պայմաններում խորհուրդ է տրվում շինարարական լաստակները ծածկել հատուկ ցանցով կամ թաղանթով, շենքի վրա տեղադրել ջրահեռացման համակարգեր։ Թույլ չտալ սառեցում և չորացում։
Ներքին հարդարումը պետք է կատարել միայն լավ օդափոխվող տարածքներում, իսկ աշխատանքների ավարտից հետո պահպանել օդի շրջանառությունը մինչև ծածկույթի ամբողջական չորացումը։

Հետագա աշխատանքներ
Դեկորատիվ սվաղի մակերեսը կարելի է ներկել ակրիլային, սիլիկոնային կամ սիլիկատային ներկերով։ Ներկումն իրականացվում է ոչ շուտ, քան 3-5 օր հետո՝ կախված շրջակա միջավայրի պայմաններից։
Աշխատանքից անմիջապես հետո գործիքները մաքրել ջրով։ Եթե գործիքները անմիջապես չեն մաքրվել, ապա հետագայում դրանք կարելի է մաքրել միայն մեխանիկական եղանակով։

Սահմանափակումներ
Արգելվում է աշխատել մթնոլորտային տեղումների, մառախուղի ժամանակ, ինչպես նաև անձրևից հետո թաց մակերեսների վրա և +5-ից ցածր ու +30 °C-ից բարձր ջերմաստիճանի պայմաններում։

Պահպանման և տեղափոխման պայմանները
Պահպանել և փոխադրել հերմետիկ փակ տարայում՝ +5°-ից ոչ պակաս և +30°C-ից ոչ ավել ջերմաստիճանում։ Թույլատրվում է հնգակի սառեցում՝ ընդհանուր 3 շաբաթից ոչ ավել տևողությամբ, -20°C-ից ոչ ցածր ջերմաստիճանում։

Պետք է պաշտպանել արտադրանքով դույլը չափից ավելի տաքացումից և խուսափել արևի ուղիղ ճառագայթների տակ պահելուց։ Պայմանների պահպանման դեպքում գործարանային փակ փաթեթավորմամբ պահպանման երաշխիքային ժամկետը կազմում է 24 ամիս՝ արտադրման օրվանից։

Անվտանգություն
Արտադրանքը հրդեհա- և պայթյունավտանգ չէ, չի պարունակում դյուրավառ բաղադրիչներ: