Արտադրանքը թողարկվում է մինչև 2026թ. հուլիս։

Նշանակությունը՝
Ներկ նորմալ խոնավությամբ շինությունների ներսում պատերի և առաստաղների ներկման համար։ Ներկը պատրաստ է օգտագործման։

Հիմքի տեսակը՝

• Բետոնե, աղյուսե, փայտաթելային և փայտատաշեղային սալեր, ԳԿԹ, սվաղված, նախկինում ներկված մակերեսներ (ոչ փայլուն), ապակեկտավ և հարթ ներկարարական ֆլիզելին։

Կիրառման եղանակը՝

• Վրձին
• Գլանվակ
• Փոշեցիր

Ծախսը՝
4−7 մ²/կգ

Փայլի աստիճանը.
Մատային

Գունավորում (կոլորավորում)՝
Ներկի երանգավորումը կարող է իրականացվել NCS, RAL և այլ երանգավորման համակարգերին համապատասխան:

Բաղադրություն՝
Պոլիակրիլային դիսպերսիա (լատեքս), պիգմենտներ, լցոնիչներ, նպատակային հավելումներ, ջուր:

Գույն՝
Բազա A — սպիտակ

Փայլի աստիճան՝
Մատային

Ծախսը 1 շերտի համար հարթ չներծծող մակերեսի վրա՝
5−7 մ²/կգ

Ծախսը 1 շերտի համար անհարթ ներծծող մակերեսի վրա՝
4−6 մ²/կգ

Խտություն՝
մոտ 1,5 կգ/լ

Ոչ ցնդող նյութերի զանգվածային մաս՝
55%

Չորացման ժամանակը մինչև 3-րդ աստիճան**՝
0.5 ժամ

Հաջորդ շերտը կարելի է քսել**՝
1 ժամ հետո**

Լվացման նկատմամբ կայունություն՝
Մաքրում չոր ոչ հղկող սպունգով կամ փափուկ մազիկներով խոզանակով

Հիմքի ջերմաստիճանը կիրառման ժամանակ՝
+5 °C-ից մինչև 35 °C

* Նյութի ծախսը կախված է հիմքի նախապատրաստման որակից, քսման եղանակից, օգտագործվող գործիքից, աշխատանքների կատարողների որակավորումից և կարող է տարբերվել նշված արժեքներից:
** +20±2 °C ջերմաստիճանի և օդի 65±5% ոչ ավել հարաբերական խոնավության դեպքում:
Ջերմաստիճանի նվազման կամ խոնավության բարձրացման դեպքում չորացման ժամանակը կարող է ավելանալ: +15°C-ից ցածր օդի ջերմաստիճանի կամ
65%-ից բարձր օդի հարաբերական խոնավության դեպքում հաջորդ շերտը քսել ոչ շուտ, քան 24 ժամ հետո:

Նշանակություն և հատկություններ
Նախատեսված է նորմալ խոնավությամբ տարածքների ներսում պատերի և առաստաղների ներկման համար: Ներկը պատրաստ է օգտագործման համար: Հեշտությամբ քսվում է, արագ չորանում, չունի սուր հոտ: Չորանալուց հետո առաջացնում է հարթ մատային մակերես:
Օժտված է լավ դեկորատիվ հատկություններով, ծածկողականությամբ և ներկվող մակերեսի հետ ամուր կպչողականությամբ: Դիմանում է չոր փափուկ խոզանակով կամ սպունգով մաքրմանը՝ քսելուց ոչ շուտ, քան 4 շաբաթ անց: Հնարավոր է ձեռքով երանգավորում՝ ջրային հիմքով երանգավորող մածուկների օգնությամբ:

Կիրառման ոլորտ
Ներկը կարելի է քսել բետոնե, աղյուսե, փայտաթելավոր և փայտատաշեղային սալերի, գիպսաստվարաթղթի (ГКЛ), սվաղված, նախկինում ներկված մակերեսների (ոչ փայլուն), ապակեկտավի և հարթ ներկարարական ֆլիզելինի վրա: Նախատեսված է ձեռքով և մեքենայացված եղանակով քսելու համար:

Թույլատրվում է օգտագործել շենքերում և կառույցներում՝

• տիպ Ա — բնակելի տներ և հանրակացարաններ; երեխաների և երիտասարդների դաստիարակության և ուսուցման, հանգստի և առողջացման կազմակերպությունների շենքեր և տարածքներ; առողջապահական կազմակերպություններ; հաշմանդամների և տարեցների տներ; սանատորիաներ; հանգստյան տներ; փակ մարզական կառույցներ; արդյունաբերական ձեռնարկությունների և Բ, Վ տիպի այլ օբյեկտների կառավարման շենքերում մարդկանց մշտական գտնվելու համար նախատեսված ծառայողական տարածքներ;
• տիպ Բ — սննդի արդյունաբերության, առևտրի և հանրային սննդի ձեռնարկություններ; հյուրանոցներ; արդյունաբերական ապրանքների խանութներ; կապի ձեռնարկություններ; կենցաղային սպասարկման ձեռնարկություններ; մշակութային-զվարճանքի և այլ օբյեկտներ; վարչական շենքեր;
• տիպ Վ — արդյունաբերական ձեռնարկություններ, օժանդակ և կենցաղային տարածքներ ու կառույցներ; պահեստներ; ավտոտնակներ։

Ներկը թողարկվում է որպես բազա A և կարող է երանգավորվել համակարգչային (մեքենայական) եղանակով: Բազա A-ն նախատեսված է բաց և պաստելային երանգներով երանգավորման համար, ինչպես նաև կարող է օգտագործվել որպես սպիտակ ներկ:
Ներկի երանգավորումը կարող է իրականացվել NCS, RAL և այլ երանգավորման համակարգերին համապատասխան, թույլատրելի է ավելացնել մինչև 5% երանգավորող մածուկներ՝ ներկի զանգվածից:

Հնարավոր է ձեռքով երանգավորում՝ ջրային հիմքով երանգավորող մածուկների օգնությամբ: Միևնույն մակերևույթի վրա երանգների տարբերություններից խուսափելու համար պետք է օգտագործել նույն խմբաքանակի համարով (տես փաթեթավորման վրա) ապրանք կամ նախապես խառնել տարբեր խմբաքանակների նյութերը 1:1 հարաբերակցությամբ: Երանգավորման արդյունքի համար պատասխանատվություն է կրում երանգավորումն իրականացնող կազմակերպությունը:

Կախված քսման պայմաններից, ինչպես նաև ներկվող մակերևույթի ֆակտուրայից, գույների իրական երանգները կարող են փոքր-ինչ տարբերվել գունային կատալոգում ներկայացվածներից: Օգտագործելուց առաջ անհրաժեշտ է կատարել փորձնական քսում և ստուգել չորացած ծածկույթի համապատասխանությունը գույնին:

Երանգավորող մածուկներն ավելացնելուց հետո ապրանքը պետք է օգտագործել հնարավորինս սեղմ ժամկետներում՝ պահպանման ընթացքում երանգավորված նյութի հատկությունների փոփոխությունից խուսափելու համար:

Հիմքի նախապատրաստում
Հիմքի նախապատրաստումը կատարել СП 71.13330.2017-ին համապատասխան: Մաքրել հիմքը փոշուց և կեղտից: Նախկինում ներկված մակերևույթներից հեռացնել հին ներկի և սպիտակեցման անկայուն շերտերը: Կարծր և ամուր պահվող փայլուն մակերևույթները հղկել մինչև փայլատ վիճակ, հղկման փոշին հեռացնել:

Անհարթությունները, փոսերը, ճաքերը և կոտրվածքները հարթեցնել Bergauf UNI PASTA ջրադիսպերսիոն մածիկով, հղկել: Նախկինում կավիճով կամ կրային ներկերով պատված մակերևույթները պետք է մանրակրկիտ մաքրվեն մինչև լրիվ հեռացումը:
Ինտենսիվ ներծծող մակերևույթները նախապես գրունտավորել՝ ծածկույթի հուսալիությունը բարձրացնելու և ներկի ծախսը նվազեցնելու համար: Խորհուրդ է տրվում օգտագործել Praktik շարքի գրունտներ (կախված հիմքի տեսակից):

Պահպանման և տեղափոխման պայմաններ
Պահպանել և տեղափոխել ամուր փակված տարայում՝ ոչ պակաս, քան +5° և ոչ ավելի, քան +35°C ջերմաստիճանում: Թույլատրվում է հնգակի սառեցում՝ 2 շաբաթից ոչ ավել ընդհանուր տևողությամբ, -40°C-ից ոչ ցածր ջերմաստիճանում:
Պետք է պաշտպանել ապրանքով դույլը չափից ավելի տաքացումից և խուսափել արևի ուղիղ ճառագայթների տակ պահելուց: Պայմանների պահպանման դեպքում գործարանային փակ փաթեթավորմամբ պահպանման երաշխիքային ժամկետը կազմում է 24 ամիս՝ արտադրման օրվանից:
Պահպանման ընթացքում հնարավոր է ապրանքի շերտավորում, որը հեշտությամբ վերացվում է խառնելու միջոցով: Ոչ ամբողջությամբ օգտագործված ապրանքը պահել ամուր փակված տարայում և օգտագործել հնարավորինս սեղմ ժամկետներում:

Անվտանգություն
Ապրանքը հրդեհա- և պայթյունավտանգ չէ, չի պարունակում դյուրավառ բաղադրիչներ: