დანიშნულება:
მზა აკრილის ბათქაში დეკორატიული ფაქტურული ეფექტით, ფასადების თბოიზოლაციის სისტემებში გამოსაყენებლად მინერალური ბამბისა და ქაფპოლისტიროლის საფუძველზე, ასევე შენობებსა და ნაგებობებში მშრალი და ტენიანი შენობების შიდა მოსაპირკეთებლად.

საფუძვლის ტიპი:

• არმირებული საბაზისო საბათქაშე ფენა.
• ბეტონი, რკინაბეტონი, ფოროვანი ბეტონი.
• ცემენტ-ქვიშის, ცემენტ-კირის ბათქაშები.
• თაბაშირის ბათქაშები.
• ცემენტის ფითხები.
• ფურცლოვანი თაბაშირის, ცემენტის, ხის შემცველი მასალები.

დატანის მეთოდი:

• ხელით

ხარჯი:
2,5−3 კგ/მ2

კოლორირება:
ბათქაში იწარმოება ბაზის სახით და შესაძლებელია მისი კოლორირება ხელით და კომპიუტერული (მანქანური) მეთოდით RAL, NCS და სხვა ფერების კატალოგების მიხედვით.

შემადგენლობა:
სტიროლ-აკრილის დისპერსია, პიგმენტები, შემავსებლები, ფუნქციური დანამატები, წყალი.

ფერი:
თეთრი**

სიმკვრივე:
1,8 კგ/ლ

ფრაქცია:
2 მმ

ხარჯი 1მ2-ზე*:
2,5−3 კგ

დატანის სისქე:
2 მმ

გაშრობის დრო მე-3 ხარისხამდე:
არაუმეტეს 5 საათისა***

მდგრადობა ატმოსფერული ნალექების მიმართ:
არაუადრეს 24 საათისა

შემდგომი სამუშაოები:
3 დღე-ღამის შემდეგ

ვარგისიანობის ვადა:
24 თვე

* მასალის ხარჯი დამოკიდებულია საფუძვლის მომზადების ხარისხზე, დატანის მეთოდზე, გამოყენებულ ინსტრუმენტზე, შემსრულებლების კვალიფიკაციაზე და შეიძლება განსხვავდებოდეს მითითებული მნიშვნელობებისგან.
**დასაშვებია ნაწილაკების გარკვეული შემცველობა, რომლებიც განსხვავდება ძირითადი ფერისგან, რაც გავლენას არ ახდენს პროდუქტის ტექნიკურ მახასიათებლებზე. ეს აიხსნება შემადგენლობაში ბუნებრივი წარმოშობის შემავსებლების არსებობით.
*** ხარისხის მოცემული მაჩვენებლები და რეკომენდაციები მართებულია გარემოს +20°С ტემპერატურისა და ჰაერის 60% ფარდობითი ტენიანობის პირობებში. სხვა პირობებში გაშრობისა და კორექტირების დრო შეიძლება განსხვავდებოდეს მითითებულისგან.

დანიშნულება და თვისებები
მაღალხარისხიანი მზა აკრილის ბათქაში ფასადების თბოიზოლაციის სისტემებში გამოსაყენებლად მინერალური ბამბისა და ქაფპოლისტიროლის საფუძველზე (ცოკოლების გარდა), ასევე შიდა მოსაპირკეთებლად მშრალ და ნესტიან სათავსებში А, Б, В ტიპის შენობებსა და ნაგებობებში.

ტექნიკური თავისებურებები
კოლორდება პასტელურ და ნაჯერ ფერებში. მდგრადია შეკუმშვის შედეგად წარმოქმნილი ბზარების მიმართ. ადვილად დაიტანება და სტრუქტურირდება. გამძლე და ატმოსფერომდგრადია. ორთქლგამტარი.

კოლორირება
დეკორატიული ბათქაში გამოდის ბაზის სახით და შეიძლება დაკოლორდეს კომპიუტერული (მანქანური) წესით RAL, NCS და სხვა ფერების კატალოგების მიხედვით. შესაძლებელია ხელით კოლორირება წყლის ბაზაზე დამზადებული საკოლორებელი პასტების მეშვეობით, რომლებსაც გააჩნიათ მაღალი სინათლისა და ატმოსფერომდგრადობა. რეკომენდებულია არაუმეტეს 5% კოლორის დამატება, რადგან მისი ჭარბი რაოდენობა უარყოფითად მოქმედებს საფარის სიმტკიცესა და დატანის ტექნოლოგიურობაზე.
კოლორირების შედეგზე პასუხისმგებლობა ეკისრება ორგანიზაციას, რომელიც ახორციელებს კოლორირებას.

ფერების გადაცემის თავისებურებები
დატანის პირობებიდან, ასევე შესაღები ზედაპირის ფაქტურიდან გამომდინარე, ფერების რეალური ჩრდილები შეიძლება ოდნავ განსხვავდებოდეს ფერების კატალოგში წარმოდგენილისგან. გამოყენებამდე აუცილებელია საცდელი დატანის შესრულება და გამშრალი საფარის შემოწმება ფერთან შესაბამისობაზე.
ჩრდილებში განსხვავების თავიდან ასაცილებლად რეკომენდებულია ერთ ვიზუალურ სიბრტყეზე ერთი საწარმოო პარტიის პროდუქტის გამოყენება (პარტიის ნომერი მითითებულია თითოეულ შეფუთვაზე) ან წინასწარ სხვადასხვა პარტიის მასალების შერევა პროპორციით 1:1, დატანის ტექნოლოგია უნდა დარჩეს უცვლელი.

რეკომენდაციები ფერთან დაკავშირებით
გრუნტი BERGAUF FACADE GRUNT რეკომენდებულია გამოყენებულ იქნას იმ ფერში, რომელიც ახლოსაა გამოსაყენებელი ბათქაშის ფერთან.
ფასადებზე ინტენსიური ან მუქი ფერების მასალების გამოყენება, რომელთა არეკვლის კოეფიციენტი 25%-ზე ნაკლებია, უნდა შეიზღუდოს მცირე ზედაპირებით, რომლებიც ფასადის არაუმეტეს 10%-ს იკავებს, მაგალითად ცალკეული არქიტექტურული დეტალებით.

დატანის ტექნოლოგია
სამუშაოები უნდა შესრულდეს СП 293.1325800.2017-ის შესაბამისად.
დატანის წინ ბათქაში საჭიროა საფუძვლიანად აირიოს, რადგან შენახვისას შესაძლებელია პროდუქტის განშრევება. დასაშვებია ბათქაშის წყლით განზავება მასალის მასის არაუმეტეს 5%-ის ოდენობით.
ბათქაში დაიტანეთ უჟანგავი ფოლადის მალაით ზედაპირის მიმართ 60°-იანი კუთხით, ფენის სისქე უნდა შეესაბამებოდეს ბათქაშის მარცვლის ზომას. დატანიდან 25−35 წუთის განმავლობაში (დამოკიდებულია ტემპერატურასა და ტენიანობაზე), ჩამოაყალიბეთ საჭირო ფაქტურა პლასტმასის მალაის მეშვეობით. პლასტმასის მალაია უნდა გეჭიროთ ზედაპირის პარალელურად და ფაქტურა ჩამოაყალიბოთ მსუბუქი მოძრაობებით, დაწოლის გარეშე.

ფაქტურის ჩამოყალიბების ხერხები:
ფაქტურა „კრავი“ ყალიბდება წრიული მოძრაობებით. ფაქტურა „ჰორიზონტალური ქერქიჭამია“ ყალიბდება მოძრაობებით მარცხნივ — მარჯვნივ. ფაქტურა „ვერტიკალური ქერქიჭამია“ (წვიმა) ყალიბდება მოძრაობებით ზევით — ქვევით. ფაქტურა „ჯვარედინი ქერქიჭამია“ ყალიბდება 2 ეტაპად: ჯერ სრულდება მოძრაობები დიაგონალზე ზედა მარჯვენა კუთხიდან ქვედა მარცხენაში, შედეგად უნდა მიიღოთ გრძელი და მოკლე ხაზები, შემდეგ კი ჯვარედინად დაიტანება ნახატი ზედა მარცხენა კუთხიდან ქვედა მარჯვენაში.

სამუშაოების შესრულების თავისებურებები
სამუშაოს შეწყვეტის აუცილებლობის შემთხვევაში, საბათქაშე ფენის საზღვარზე აკრავენ სამღებრო ლენტს, რომელიც უნდა მოიხსნას ბათქაშის გამაგრებამდე. ერთგვაროვანი ფაქტურის მისაღებად საჭიროა მუშების საკმარისი რაოდენობის უზრუნველყოფა ხარაჩოების თითოეულ დონეზე და მეზობელ დონეებს შორის გადაბმების შესრულება მეთოდით „სველი სველზე“.
დეკორატიული ბათქაში დატანიდან პირველი 2−3 დღე-ღამის განმავლობაში დაცული უნდა იყოს მზის პირდაპირი სხივების, ქარისა და წვიმის ზემოქმედებისგან. რეკომენდებულია ასეთ პირობებში სამშენებლო ხარაჩოებს გადაეფაროს სპეციალური ბადე ან ფირი, შენობაზე დამონტაჟდეს წყალსაწრეტი. არ დაუშვათ გაყინვა და გამოშრობა.
შიდა მოპირკეთება უნდა შესრულდეს მხოლოდ კარგად განიავებად სათავსებში, ხოლო სამუშაოების დასრულების შემდეგ შენარჩუნდეს ჰაერის ცირკულაცია საფარის სრულ გაშრობამდე.

შემდგომი სამუშაოები
დეკორატიული ბათქაშის ზედაპირის შესაღებად რეკომენდებულია აკრილის, სილიკონის ან სილიკატური საღებავების გამოყენება. შეღებვა წარმოებს არაუადრეს 3−5 დღე-ღამის შემდეგ, გარემო პირობებიდან გამომდინარე.

კოლორირება
შესაძლებელია კოლორირება წყლის ბაზაზე დამზადებული საკოლორებელი პასტების მეშვეობით, რომლებსაც გააჩნიათ მაღალი სინათლისა და ატმოსფერომდგრადობა, NCS, RAL და სხვა საკოლორებელ სისტემებთან შესაბამისად. დატანის პირობებიდან, ასევე შესაღები ზედაპირის ფაქტურიდან გამომდინარე, ფერების რეალური ჩრდილები შეიძლება ოდნავ განსხვავდებოდეს ფერების კატალოგში წარმოდგენილისგან.
რეკომენდებულია არაუმეტეს 5% კოლორის დამატება, რადგან მისი ჭარბი რაოდენობა უარყოფითად მოქმედებს საფარის სიმტკიცესა და დატანის ტექნოლოგიურობაზე. ფერთა სხვაობის თავიდან ასაცილებლად რეკომენდებულია ერთ ზედაპირზე ერთი საწარმოო პარტიის პროდუქტის გამოყენება (პარტიის № მითითებულია თითოეულ შეფუთვაზე) ან წინასწარ სხვადასხვა პარტიის მასალების შერევა პროპორციით 1:1, დატანის ტექნოლოგია უნდა დარჩეს უცვლელი.
კოლორირების შედეგზე პასუხისმგებლობა ეკისრება ორგანიზაციას, რომელიც ახორციელებს კოლორირებას. გამოყენებამდე აუცილებელია საცდელი დატანის შესრულება და გამშრალი საფარის შემოწმება ფერთან შესაბამისობაზე.

რეკომენდაციები ფერთან დაკავშირებით
გრუნტი „Bergauf FACADE GRUNT“ რეკომენდებულია გამოყენებულ იქნას იმ ფერში, რომელიც ახლოსაა გამოსაყენებელი ბათქაშის ფერთან.
ფასადებზე ინტენსიური ან მუქი ფერების მასალების გამოყენება, რომელთა არეკვლის კოეფიციენტი 25%-ზე ნაკლებია, უნდა შეიზღუდოს მცირე ზედაპირებით, რომლებიც ფასადის არაუმეტეს 10%-ს იკავებს, მაგალითად, ცალკეული არქიტექტურული დეტალებით.

ინსტრუმენტების გაწმენდა
სამუშაოს დასრულებისთანავე ინსტრუმენტები გაწმინდეთ წყლით. თუ ინსტრუმენტები მაშინვე არ გაიწმინდა, შემდგომში მათი გაწმენდა შესაძლებელი იქნება მხოლოდ მექანიკურად.

შეზღუდვები
აკრძალულია მუშაობა ატმოსფერული ნალექების, ნისლის დროს, ასევე წვიმის შემდეგ სველ ზედაპირებზე და +5°С-ზე დაბალ და +35°C-ზე მაღალ ტემპერატურაზე.

უსაფრთხოება
ყურადღება! პროდუქტი არის ხანძარ- და აფეთქებაუსაფრთხო, არ შეიცავს ადვილად აალებად კომპონენტებს.

შენახვისა და ტრანსპორტირების პირობები
პირობების დაცვის შემთხვევაში, შენახვის საგარანტიო ვადა დახურულ ქარხნულ შეფუთვაში შეადგენს 18 თვეს დამზადების დღიდან. შეინახეთ და ტრანსპორტირება მოახდინეთ მჭიდროდ დახურული ტარით არანაკლებ +5°C და არაუმეტეს +30°C ტემპერატურაზე. პროდუქტიანი ვედრო დაცული უნდა იყოს ზედმეტი გახურებისგან და მოერიდეთ მზის პირდაპირი სხივების ქვეშ შენახვას.

ყურადღება!
დასაშვებია 5-ჯერადი გაყინვა საერთო ხანგრძლივობით არაუმეტეს სამი კვირისა, არანაკლებ მინუს 20ºС ტემპერატურაზე.